Монгол Улсын Засгийн газрын тухай хуулийн 20.5.5, Монгол Улсын Засгийн газрын 2008-2012 оны үйл ажиллагааны хөтөлбөрийн 4.1.3-ыг тус тус үндэслэн ТУШААХ нь:
     1.”Эрх зүйн сурталчилгааны дунд хугацааны хөтөлбөр”-ийг нэгдүгээр, “Эрх зүйн дунд хугацааны хөтөлбөрийг хэрэгжүүлэх үйл ажиллагааны төлөвлөгөө”-г хоёрдугаар хавсралтаар тус тус  баталсугай.
      2.Эрх зүйн сурталчилгааны дунд хугацааны хөтөлбөрийг хэрэгжүүлэхэд шаардагдах хөрөнгийг Хууль зүй, дотоод хэргийн яамны болон Хууль зүйн үндэсний хүрээлэнгийн төсөвт тусгаж байхыг Хууль зүй, дотоод хэргийн яамны Төрийн нарийн бичгийн дарга /Г.Баясгалан/, Хууль зүйн үндэсний хүрээлэн /Н.Мягмар/ нарт үүрэг болгосугай.

      Гэмт хэргээс урьдчилан сэргийлэх ажлыг зохицуулах зөвлөл, НИТХ, ЦЕГ хамтран 2010 оны 4-р сарын 27-ны өдөр “Галт зэвсэг, тэсэрч дэлбэрэх бодисын эргэлтэнд тавих хяналт” сэдэвт уулзалт ярилцлагыг НИТХ,ЦЕГ, ЭБЭХЯ, БХЯ, МХЕГ, ТЕГ, ГЕГ, ОБЕГ, ШШҮХ, Зэвсэгт хүчний жанжин штаб, Дотоодын цэргийн штабын холбогдох мэргэжилтнүүдийг оролцуулан явууллаа

      УИХ-ын гишүүн, Хууль зүй, дотоод хэргийн сайд Ц.Нямдорж Засгийн газраас санаачлан боловсруулсан Цагдаагийн байгууллагын тухай хуулийн шинэчилсэн найруулгын төсөл, Тагнуулын байгууллагын тухай хуульд нэмэлт, өөрчлөлт оруулах тухай хуулийн төслийг УИХ-ын дарга Д.Дэмбэрэлд өргөн барив.

       Хууль зүй, дотоод хэргийн сайд Ц.Нямдорж энэ оны 11-р сарын 21-нд Бүгд Найрамдах Турк улсаас Монгол улсад суугаа Онц бөгөөд бүрэн эрхт Элчин сайд Абмед Асим Арарыг хүлээн авч уулзан эрх зүйн салбарын харилцаа, хамтын ажиллагааны талаар ярилцлаа.
       Хоёр орны эрх зүйн салбарын хамтын ажиллагаа 1997 онд Монгол улсын Цагдаагийн Ерөнхий газар, БНТУ-ын Дотоод хэргийн яам хооронд байгуулсан “Хамтын ажиллагааны хэлэлцээр”-ээс эхлэлтэй бөгөөд хоёр орны Хууль зүй, Дотоод хэргийн сайд нар 2002, 2003 онд харилцан албан ёсны айчлал хийж байсан юм.