Хуульчдаас сонгон шалгаруулах ажлыг эрхлэн гүйцэтгэх орон тооны бус зөвлөлийн вэб хаяг - www.jurists.mn  

Зөвлөлийн товч танилцуулга 

      Хуульчдаас сонгон шалгаруулах тухай Монгол Улсын хууль 2003 оны 5 дугаар сарын 22-ны өдөр батлагдаж, хүчин төгөлдөр мөрдөгдөж байна.

Дээрх хуулийн дагуу Хуульчдаас сонгон шалгаруулах ажлыг орон тооны бус зөвлөл /цаашид “Зөвлөл” гэх/ эрхлэн гүйцэтгэхээр заасны дагуу Зөвлөл сонгон шалгаруулалтыг 3 дахь жилдээ орон даяар амжилттай зохион явууллаа.

      Зөвлөлийг хуульд зааснаар Хууль зүй, дотоод хэргийн яамны Төрийн нарийн бичгийн дарга тэргүүлэх бөгөөд бүрэлдэхүүнд нь:

         1/Төрийн албаны зөвлөлийн орон тооны гишүүн;

         2/Шүүхийн ерөнхий зөвлөлийн гүйцэтгэх нарийн бичгийн дарга;

         3/Монголын өмгөөлөгчдийн холбооны Ерөнхийлөгч;

         4/Нотариатчдын танхимын Ерөнхийлөгч;

         5/Прокурор, шүүхийн шийдвэр гүйцэтгэх, авлигатай тэмцэх болон цагдаагийн байгууллагын хүний нөөцийн асуудал эрхэлсэн нэгжийн дарга тус тус багтдаг.   

         Зөвлөл нь:

• Хуульч боловсон хүчнийг бэлтгэх, сонгон шалгаруулахтай холбогдсон асуудлаар бодлого боловсруулах;
• Сонгон шалгаруулах үйл ажиллагаатай холбогдсон журам, заавар тогтоох
• Хуульчдын сонгон шалгаруулалт явуулах газар, хугацааг товлох, зарлах
• Хуульд заасан шаардлагыг хангасан Монгол Улсын иргэн, гадаадын иргэн, харьяалалгүй хүнд сонгон шалгаруулалтад оролцох эрх олгох буюу татгалзах
• Сонгон шалгаруулалтын даалгавар боловсруулах ажлыг зохион байгуулах
• Сонгон шалгаруулалтын явцад хяналт тавих
• Сонгон шалгаруулалтад ашиглах, туслах материалын жагсаалт гаргах
• Сонгон шалгаруулалттай холбогдон үүссэн маргааныг хянан шийдвэрлэх
• Шалгалтын хорооны бүрэлдэхүүнийг томилох, чөлөөлөх
• Сонгон шалгаруулалтын дүнг мэдээлэх
• Сонгон шалгаруулалтад тэнцсэн этгээдэд гэрчилгээ олгох

      Зөвлөлийн үйл ажиллагаатай холбогдсон журам тогтоох болон хуульд тогтоомжид заасан бусад бүрэн эрхийг хэрэгжүүлдэг.