Мэдээлэл, хяналт шинжилгээ, үнэлгээний газар нь дараах чиг үүргийг хэрэгжүүлдэг.

·         Салбарын хууль тогтоомжийн хэрэгжилтэд хяналт-шинжилгээ  хийх, үр дүнд үнэлгээ өгөх, тухайн хууль тогтоомжийг боловсронгуй болгох санал боловсруулах;

·         Салбарын бодлого, хөтөлбөр, төлөвлөгөө, төслийн хэрэгжилтийн явцад хяналт-шинжилгээ хийж, үр дүнд нь үнэлгээ өгөх, цаашид тухайн үйл ажиллагааг хэрэгжүүлэх шаардлагатай эсэх талаар санал боловсруулах;

·         Сайдын эрхлэх ажлын хүрээний агентлаг, байгууллагуудын үйл ажиллагаанд хяналт-шинжилгээ хийж үр дүнд нь үнэлгээ өгөх;

·         Салбарын статистик мэдээллийн шалгуур үзүүлэлт, бодит байдал, боловсруулалтыг сайжруулах, мэдээллийн нэгдсэн сан, сүлжээ бүрдүүлж, мэдээллээр үйлчлэх;

·         Монгол Улсын сайд, аймаг, нийслэлийн Засаг дарга, Засгийн газрын агентлагийн даргын хуулиар олгогдсон бүрэн эрхэд хамаарах асуудлаар тухайн салбарын болон тодорхой нутаг дэвсгэр, түүнчлэн улсын хэмжээнд дагаж мөрдөгдөх эрх зүйн хэм хэмжээ тогтоосон баримт бичиг /тушаал, тогтоол, захирамж/-ийг бүртгэх;

·         Хууль, хууль тогтоомжийн санг бүрдүүлэх, лавлагаа өгөх;

·         Хууль, хууль тогтоомж, бусад эрх зүйн актаар цахим сан бүрдүүлэх, хөтлөх, мэдээллээр хангах, үйлчлэх;

·        Мэдээллийн бусад санг бүрдүүлэх;

Дээрх зорилтын хүрээнд дараах ажлуудыг хийж гүйцэтгэсэн байна. Үүнд:

1.      Салбарын хууль тогтоомжийн хэрэгжилтэд хяналт шинжилгээ хийх, үр дүнд үнэлгээ өгөх, тухайн хууль тогтоомжийг боловсронгуй болгох санал боловсруулах

Салбарын хууль тогтоомжийн хэрэгжилтийн байдалд хяналт шинжилгээ хийж, үр дүнг үнэлэн, хуулийн хэрэгжилтийн явцыг эрчимжүүлэхтэй холбогдуулан цаашид авч хэрэгжүүлэх арга хэмжээний талаар санал зөвлөмж боловсруулдаг. Одоогийн байдлаар, Галт зэвсгийн тухай, Нотариатын тухай, Гадаадын иргэний эрх зүйн байдлын тухай хуульд хяналт шинжилгээ, үнэлгээ хийсэн.

2.      Салбарын бодлого, хөтөлбөр, төлөвлөгөө, төслийн хэрэгжилтийн явцад хяналт шинжилгээ хийж, үр дүнд нь үнэлгээ өгөх, цаашид тухайн үйл ажиллагааг хэрэгжүүлэх шаардлагатай эсэх талаар санал боловсруулах
            Дараахь хөтөлбөр, төлөвлөгөө, төслийн хэрэгжилтийн явцад хяналт шинжилгээ, үнэлгээ хийгээд байна:

-          Эрх зүйн шинэтгэлийн хөтөлбөр

-          Засгийн газрын үйл ажиллагааны хөтөлбөр /жил бүр/

-          Монгол Улсын шүүх эрх мэдлийн стратеги төлөвлөгөө

-         Архидан согтуурахаас урьдчилан сэргийлэх, хяналт тавих үндэсний хөтөлбөр

-          ЖАЙКА-ийн “Эрх зүйн шинэтгэл, туслалцаа” төсөл

-          Дэлхийн банкны “Шүүх, эрх зүйн шинэчлэл” төсөл 

3.      Сайдын эрхлэх асуудлын хүрээний агентлаг, байгууллагуудын үйл ажиллагаанд хяналт шинжилгээ хийж, үр дүнд нь үнэлгээ өгөх

Хууль зүй, дотоод хэргийн сайдын эрхлэх асуудлын хүрээний дор дурдсан агентлаг, байгууллагын үйл ажиллагаанд жил бүр хяналт шинжилгээ хийж, үр дүнд үнэлгээ өгч, тус бүрийн болон нэгдсэн тайланг гаргаж, Сайдын зөвлөлөөр хэлэлцүүлэхээр бэлтгэдэг. Үүнд:

-          Цагдаагийн ерөнхий газар

-          Шүүхийн шийдвэр гүйцэтгэх ерөнхий газар

-          Иргэний бүртгэл, мэдээллийн улсын төв

-          Хил хамгаалах ерөнхий газар

-          Үндэсний архивын газар

-          Хууль зүйн үндэсний төв

-          Гадаадын иргэн, харъяатын асуудал эрхлэх алба

-          Төрийн тусгай албан хаагчдын нэгдсэн эмнэлэг

-          Шүүхийн шинжилгээний үндэсний төв 

Түүнчлэн төлөвлөгөөнд заасны дагуу дээрх агентлаг, байгууллага, мөн аймаг, нийслэлийн хууль зүйн хэлтсийн үйл ажиллагаанд хяналт шалгалтыг бусад газар, хэлтэстэй хамтран болон дангаар хийдэг. Тухайлбал, Говь-Алтай аймгийн ЗДТГ-ын Хууль зүйн хэлтэс, Цагдаагийн ерөнхий газрын Замын цагдаагийн газар, Төрийн тусгай албан хаагчдын нэгдсэн эмнэлэг, Иргэний бүртгэл, мэдээллийн улсын төвийн үйл ажиллагаанд хяналт шалгалт хийгээд байна.

Хууль зүй, дотоод хэргийн яамны үйл ажиллагаанд жил бүр хяналт шинжилгээ, үнэлгээ хийж, тайланг Засгийн газрын Хэрэг эрхлэх газарт хүргүүлдэг бөгөөд иргэд, байгууллагаас ирүүлсэн өргөдөл, гомдлын шийдвэрлэлтэд мөн хяналт шинжилгээ, үнэлгээ хийж байна.

4.      Монгол Улсын сайд, аймаг, нийслэлийн Засаг дарга, Засгийн газрын агентлагийн даргын хуулиар олгогдсон бүрэн эрхэд хамаарах асуудлаар тухайн салбарын болон тодорхой нутаг дэвсгэр, түүнчлэн улсын хэмжээнд дагаж мөрдөгдөх эрх зүйн хэм хэмжээ тогтоосон баримт бичиг /тушаал, тогтоол, захирамж/-ийг бүртгэх 
               Засгийн газрын 2003 оны 8 дугаар тогтоолоор баталсан “Монгол Улсын сайд, аймаг, нийслэлийн Засаг дарга, Засгийн газрын агентлагийн даргын нийтээр дагаж мөрдүүлэхээр гаргасан шийдвэрийг хянаж,, бүртгэх журам”-ын 5.5.1-д заасныг үндэслэн  Хууль зүй, дотоод хэргийн сайдын 2007 оны 97 тоот  тушаалаар  батлагдсан журам”-г мөрдлөгө болгон /2007 онд шинэчлэн батлагдсан/  Хууль зүй, дотоод хэргийн яамны  Хууль зүйн бодлогын газар холбогдох байгуулагуудаас ирүүлсэн шийдвэрийг хууль тогтоомжид нийцэж буй эсэхийг  хянаж, нийцээгүй бол дүгнэлт, зөвлөмж хүргүүлэх, хэм хэмжээ тогтоогоогүй үндэслэлээр буцаах асуудлыг хариуцдаг. Мэдээлэл, хяналт шинжилгээ үнэлгээний газар улсын нэгдсэн бүртгэлийг хөтөлж сан бүрдүүлэх, мэдээлэл лавлагаа өгөх асуудлыг хариуцан ажиллаж  байна.  

2007 оны 10 дугаар сарын байдлаар “Нийтээр дагаж мөрдүүлэх шийдвэрийн  улсын нэгдсэн бүртгэл”-ийн санд  2754 нийтээр дагаж мөрдөх шийдвэр байна.