Өргөдөл, гомдол гаргагч нь МУ-ын Үндсэн хууль болон бусад хуулийг зөрчих бусдын эрх, эрх чөлөө, хууль ёсны ашиг сонирхолыг хохироох, ялгаварлан гадуурхахыг уриалж болохгүй.

Өргөдөл, гомдолд дурдсан асуудлууд үнэн зөв байна.

ХЗДХЯ-нд хандаж буй иргэд дараахь чиглэлээр өргөдөл, гомдол гаргаж болно.

Үүнд:

1. Хүчин төгөлдөр мөрдөгдөж байгаа хууль, эрх зүйн актад нэмэлт өөрчлөлт оруулах, хүчингүй болгуулах тухай санал, Хууль тогтоомж, эрх зүйн актын талаар мэдээлэл, лавлагаа гаргуулах талаар
2. Хэвлэл мэдээллийн хэрэгсэл болон төрийн бус байгууллага, шашны байгууллагын бүртгэл, тусгай зөвшөөрлийн асуудлаар
3. Сайд, Аймаг, Нийслэлийн засаг дарга, агентлагын даргын нийтээр дагаж мөрдүүлэхээр гаргасан шийдвэрийн хууль зүйн үндэслэлийн талаар
4. ХЗДХЯ-ны харъяа Цагдаагийн ерөнхий газар, түүний салбар, нэгжүүд, Шүүхийн шийдвэр гүйцэтгэх ерөнхий газар, түүний салбар, нэгжүүд, Хил хамгаалах ерөнхий газар, түүний салбар, нэгжүүд, Үндэсний архивын газар, Иргэний бүртгэл мэдээллийн үндэсний төв, Шүүхийн шинжилгээний үндэсний төв, Хууль зүйн үндэсний төв, Гадаадын иргэн, харъяатын асуудал эрхлэх алба, Төрийн тусгай албан хаагчдын нэгдсэн эмнэлэг зэрэг байгууллагуудын үйл ажиллагаа болон холбогдох албан тушаалтны бодлого, шийдвэр, үйл ажиллагаатай холбоотой асуудлаар
5. Монголын Өмгөөлөгчдийн холбоо, Нотариатын танхимын үйл ажиллагаа болон өмгөөлөгч, нотариатчидтай холбоотой асуудлаар

Өргөдөл, гомдолд тавих шаардлага

1. Иргэн өргөдөл, гомдол гаргахдаа овог, нэр, оршин суугаа газрын болон шуудангийн хаяг, утасны дугаар зэргийг тодорхой бичиж гарын үсэг зурна.
2. Иргэд өргөдөл гомдлыг хамтран гаргаж байгаа бол бүгд гарын үсэг зурна. Өргөдөл, гомдол хамтран гаргаж буй иргэд төлөөлөх этгээдийг сонгосон бол төлөөлөгч гарын үсэг зурах бөгөөд төлөөлөгч гэдгийг нотлох баримтыг хавсаргана.

Өргөдөл, гомдлыг хянан үзэхгүй байх, буцаах үндэслэл

1. Тус яаманд иргэн тухайн асуудлаар өмнө нь хандаж байсан
2. Өргөдөл, гомдолд дурдсан асуудлаар шүүхийн хүчин төгөлдөр шийдвэр байгаа
3. Өргөдөл, гомдол нь тодорхой нэр хаяггүй
4. Өргөдөл, гомдол гаргагч нь бага насны хүмүүс буюу шүүхийн шийдвэрээр эрхийн бүрэн чадамжгүйд тооцогдсон этгээд эцэг, эх, асран хамгаалагчаараа төлөөлүүлээгүй тохиолдолд өргөдөл, гомдлыг хянан үзэхгүй буцаана.

Өргөдөл, гомдол шийдвэрлэх хугацаа

1. Өргөдөл, гомдлыг хүлээн авсан өдрөөс хойш 30 хоногийн дотор шийдвэрлэнэ. Шаардлагтай бол Төрийн нарийн бичгийн дарга уг хугацааг 30 хүртэл хоногоор сунгах ба энэ тухай хариуцсан мэргэжилтэн өргөдөл, гомдол гаргагчид мэдэгдэнэ.
2. Саналын шинжтэй өргөдлийн хариуг 90 хоногт багтаан өгнө.

Өргөдөл, гомдолд хариу өгөх хэлбэр

Өргөдөл, гомдлыг хянан үзсэн албан тушаалтан шийдвэрлэлтийн талаар иргэнд амаар болон бичигээр хариу өгнө.

Мөн Иргэн Та дараах холбоос дээр дарж өргөдөл, гомдлоо илгээнэ    үү. 

Өргөдөл Гомдол илгээх